रामधुनी । नेपाल कम्युनिष्ट पार्टी (नेकपा) स्थायी कमिटी सदस्य भिम आचार्यले नेपाली कांग्रेसले सुनसरीको नेपाल–भारत सिमाक्षेत्रमा कहिल्यै विकास नगरेको आरोप लगाएका छन् ।
कांग्रेसले बिकासका योजनाहरु ल्याउने कार्य नगर्दा दक्षिणवर्ती क्षेत्र विकासमा पछि परेको उनले बताए । शनिवार सुनसरीको भोक्राहा–नरसिंहा गाँउपालिका आयोजित पार्टी प्रवेश कार्यक्रममा बोल्दै नेता आचार्यले यस्तो बताएका हुन् ।
भारतीय सिमाक्षेत्रसँगै सुनसरी खोलाको पश्चिम किनारमा जोडिएको नरसिंहामा पञ्चायतकालपछिको बाँकी समयमा नेपाली कांग्रेसले स्थानीय निकाएको नेतृत्व गरेपनि कहिल्यै विकास नगरेको उनको दाबी छ ।
कार्यक्रममा बोल्दै आचार्यले सत्ताको नेतृत्वमा हुँदा कांग्रेसले सधैं नरसिंहामा विभेद गरि पछि पार्दै आएकाले कांग्रेस छाडेर नेकपामा गोलवन्द हुन सबैलाई आग्रहसमेत गरेका थिए ।
नेपाली काग्रेस सुनसरी क्षेत्र नं ४ का सह–सचिवसहित १ सय ७५ जना बढी नेकपामा प्रवेश गरेका छन ।पार्टी प्रवेश कार्यक्रममा कांग्रेसका क्षेत्रिय सह–सचिव बस्नेत मण्डल, क्रियाशिल सदस्यहरु विजय मण्डल, उपेन्द्र मण्डल, गुरुदेव मण्डल, चन्द्र मण्डलसहितका काग्रेसका नेता कार्यकर्ताहरु नेकपामा प्रवेश गरेका हुन ।
उक्त कार्यक्रममा नेकपा प्रदेश १ का सदस्य पोष्टकुमार नेपाल, किरणकुमार कार्की, जिल्ला अध्यक्ष योगेन्द्र मण्डल, सचिवालय सदस्य पर्शुराम यादव लगायत पार्टीका स्थानीय नेता–कार्यकर्ताहरुको उपस्थिति रहेको थियो ।
