रामधुनी । उदयपुरको बेलका नगरपालिकाको फोहोरबाट प्राङ्गरिक मल उत्पादन गर्ने उद्योग संचालनमा ल्याउँने भएको छ ।
फोहोर ब्यबस्थापन तथा प्राङ्गरिक मल उद्योगको परिक्षण तथा प्राङ्गरिक मल उत्पादन ट्रायल औपचारिक कार्यक्रमका गरि आइतबार सप्पन्न भएको छ ।
एक कार्यक्रम गरी बेलका नगरपालिका वडा नं ९ धौरीखैरेनीमा रहेको उक्त उद्योग भूमि आयोजनाका केन्द्रिय सदस्य गोपाल गुरागाईँ र नगर प्रमुख दुर्गा कुमार थापाले संयुक्त रुपमा मेसिन परिक्षण गरेका छन् ।
बेलका नगरपालिकाको समन्वय र संघीय सरकारको बजेटबाट निर्माणको क्रममा रहेको उद्योग बेलकाको गौरवको योजना रहेको छ ।
कार्यक्रमका प्रमुख अतिथि गुरागाईँले कृषि प्रधान मुलुकमा कृषकलाई प्राङ्गरिक मलमा आत्मनिर्भर बन्नलाई यस्ता उद्योग स्थापना हुनु जरुरी रहेको बताए । नेपालमा धेरै जसो उद्योग बाजा–गाजासहित स्थापना हुने र केही सालमा बन्द हुने गरेकाले ब्याबस्थापनको पाटोलाई मजबुत बनाई सन्चालन गर्नुपर्ने उनको भनाई थियो ।
नगर प्रमुख थापाले उद्योगमा फोहोरको मात्र नभई स्थानीय टोलको गरिबीकोसमेत ब्याबस्थापन हुने बाताए । ४० प्रतिशत मात्र काम भएको र निर्माणको क्रममा रहेको मल उद्योग पुर्ण रुपमा उत्पादन शुरु भए पश्चात आर्गानिक खेतिमा किसानलाई आत्मनिर्भर बनाउने थापाले बताए । विभिन्न पालिकाबाट कच्चा पदर्थ आयात गर्ने र उत्पादित प्राङ्गरिक मललाई किसानसम्म पुर्याउने उनको भनाई छ ।
