रामधुनी । प्रदेश नं १ प्रमुख प्रतिपक्षी दलका नेता राजिव कोइरालाले सुनसरीप्रति सरकार पूर्वाग्रही बन्दा रामधुनी मन्दिरको बिकास नभएको आरोप लगाएका छन् ।
रामधुनी मन्दिर ब्यवस्थापन समितिको शनिवार आयोजित साधारणसभामा बोल्दै नेता कोइरालाले सुनसरीलाई ध्वस्त पार्ने सरकारको योजना रहेकोसमेत आरोप लगाए ।
संघ र प्रदेश सरकारले बिकास योजनामा गरेको कन्जुस्याइँले सुनसरीको धार्मिक पर्यटन र धार्मिक स्थलका पूर्वाधार बिकास प्रभावित बन्न पुगेको उनको भनाई छ ।
पर्यटन प्रवद्र्धनका लागि रामधुनी मन्दिरलाई रामायण सर्किटमा जोड्न पहल गर्नु आवश्यक रहेको उनले बताए । ‘यहाँको आर्थिक, सामाजिक, साँस्कृतिक बिकास लागि सर्किटमा जोड्नु पर्ने योजना सरकारले बनाउँन नसके पनि यसका लागि प्रतिपक्षी दलले पहल गर्छ ।’ प्रतिबद्धता जनाउँदै उनले भने ।
बहुमतको सरकारले अहिलेसम्म उलेख्य बिकास गर्नु पर्ने अवस्थामा पदिय खिचातानिमा रहेको उनी बताउँछन् । बिभिन्न मुद्धा लगाएर पार्टी प्रवेस गराउने संबिधान बिपरितका कार्यसमेत अहिलेको सरकारले गरिरहेको कोइरालाको आरोप छ ।
फरक प्रसंगमा बोल्दै हालसम्म कोरोना महामारीलाई न्युनिकरण गर्न सरकारको कुनै योजना नरहेकाले स्वस्थ्य सुरक्षामा गम्भिर चुनौति देखिदै गएको कोइरालाको भनाई थियो ।
