रामधुनी । सुनसरीको रामधुनी नगरपालिकाका प्रमुख प्रशासकिय अधिकृत ओमकारप्रशाद न्यौपाने कोरोना संक्रमित भएपछि नगरपालिकाले अत्यावश्यकबाहेकका सेवा बन्द गर्ने निर्णय गरेको छ ।
नगरपालिकाले आइतबार एक सूचना जारी गर्दै नगरपालिका र वडा कार्यालयबाट दिइने अन्यावश्यकबाहेकका सेवा कार्तिक ६ गतेसम्मका लागि बन्द गर्ने जानकारी दिएको छ ।
न्यौपानेमा कोरोना संक्रमण देखिएको र अन्य कर्मचारीमासमेत रुघा खोकीको समस्या देखिएको भन्दै सेवाग्राहीको स्वास्थ्यलाई ध्यानमा राखी कार्यालय बन्द गर्ने निर्णय गरिएको मेयर जयप्रकाश चौधरीले जानकारी दिए ।
गत असोज २६ गते न्यौपानेसहित २५ जनाको स्वाव संकलन गरेर परिक्षणका लागि पठाइएकोमा ८ जनामा संक्रमण पुष्टि भएको नगर स्वास्थ्य साखाका नगेन्द्र पौडेलले जानकारी दिए ।
यो सँगै रामधुनीमा कोरोना पोजेटिभ हुँनेको संख्या ८९ पुगेको छ । त्यसमध्य हाल २९ जना सक्रिय सक्रमित रहेको पौडेलले जानकारी दिए ।
