रामधुनी । उदयपुरको बेलका नगरपालिका वडा नं ४ का वडाअध्यक्षसमेत रहेका नेता दिपक दङ्गालले कृषि फर्मका मजदुरलाई प्रोत्साहनस्वरुप दशैँ खर्च दिएका छन् ।
जनही १ हजारका दरले उनले पाँचजना मजदुरलाई खर्च दिएका हुन् । नगरपालिकास्थित वडा नं २ मा संचालित ‘बेलका एकीकृत पशु तथा कृषि टुरिजम बहुउद्देश्यीय कृषि फार्म’मा कार्यरत मजदुरलाई मंगलबार उनले सहयोग गरेका हुन् ।
नेपाल कम्युनिष्ट पार्टी (नेकपा) को तर्फबाट चुनाब जितेका दङ्गालले यसअघि पनि नगरपालिकामा काम गर्ने मजदुरहरुलाई असोज १ गते प्रोत्साहनस्वरुप सहयोग गरेका थिए ।
आफु विभिन्न ठाउँमा आफ्नो पारिश्रमिकवापतको रकम सहयोग गर्दै आएको उनको भनाई छ ।
पछिल्लोपटक नगर भित्रकै सबैभन्दा ठुलो बहुउद्देश्यीय फार्मको अवलोकन गर्ने क्रममा मदजुरहरुलाई उनले आर्थिक सहयोग गरेका हुन् ।
