रामधुनी । सुनसरीको रामधुनी नगरपालिकाका मेयर जयप्रकाश चौधरीले अन्य स्थानीय तहको तुलनामा रामधुनीमा तिब्र बिकास भएको बताएका छन् ।
शुभयुग मिडिया प्रा.लि.द्धारा सञ्चालित हाम्रो शब्द डटकम अनलाइन न्यूज पोर्टलको आयोजनामा भएको ‘हाम्रो शब्द फोटो प्रतियोगिता २०७७’ को पुरस्कार बितरण कार्यक्रममा बोल्दै मेयर चौधरीले यस्तो बताएका हुन् ।
रामधुनीको बिकासका लागि प्रदेश र संघीय सकारसँगसमेत सहयोग मागेर अगाडि बढिरहेको उनको दावी छ ।
जनप्रतिनिधि भइसकेपछि सबै पार्टीसँग सहकार्य गरेर जानुपर्ने उनको भनाई थियो । नगरको बिकास कति भइरहेको छ भनेर जनता स्वयंले मुल्यांकल गर्न सक्ने भन्दै उनले आफुले गरेका कार्यहरुबारे जनताले सचेत भएर हेरिरहेकोसमेत बताए ।
कार्यक्रममा उनले धार्मिक पर्यटन बिकासको राम्रो सम्भावना बोकेको रामधुनी मन्दिरको बिकासका लागि गुरु योजना बनाएर अघि बढिरहेको बताएका छन् ।
फरक प्रसंगमा नेपाल कम्युनिष्ट पार्टी (नेकपा) रामधुनी नगर कमिटी अध्यक्ष राम कोइरालाप्रति लक्षित गर्दै मेयर चौधरीले कहि ब्यक्तिहरुले मेयर बृद्ध भएको र सिन्को पनि भाँच्न नसकेको भन्ने आरोप लगाए पनि त्यो सत्य नभएको बताए ।
यो पनि …..
‘हाम्रो शब्द फोटो प्रतियोगिता २०७७’ का विजेतालाई पुरस्कार बितरण
