रामधुनी । उदयपुरको बेलका नगरपालिकाका मेयर दुर्गाकुमार थापा र नेपाल कम्युनिष्ट पार्टी (नेकपा) का कार्यकारी अध्यक्ष पुस्पकमल दाहाल प्रचण्डबीच टेलिफोन संवाद भएको छ ।
अध्यक्ष प्रचण्ड र थापाबीच शनिबार साँझ टेलिफोन संवाद भएको बेलका नगरपालिकाको कार्यालयले जनाएको छ । नगरपालिकाले सामाजिक सञ्जाल (फेसबुक) मा एक स्टाटस लेख्दै संवादको बिषय सार्वजनिक गरेको हो ।
संवादमा मेयर थापाले नगरपालिकाले गरिरहेको भूमि व्यवस्थापनसम्बन्धि काम, खानेपानी समस्या आदिबारे प्रचण्डलाई जानकारी गराउँदै त्यसमा सहयोग गर्न अनुरोध गरेको बताइएको छ ।
नगरपालिकाले सामाजिक सञ्जालमा लेखेको छ, ‘संवादमा मेयर ज्यूले बेलका नगरको भुमि व्यवस्थापनसम्बन्धि नगरपालिकाले गरिरहेको काम कार्बाहीका साथै बबला तथा मैनामैनी क्षेत्रमा खानेपानी समस्या लगायतको बिषयमा अध्यक्ष कमरेडलाई ब्रिफ्रिङ् गर्नुभयो । अध्यक्ष कमरेड प्रचण्डबाट आफुले सक्दो सहयोग गर्ने प्रतिबद्धता जनाउनु भएको छ ।’ थप लेखिएको छ, ‘अध्यक्ष प्रचण्ड कमरेडलाई मेयर ज्यूले भेटका लागि समय मिलाउन आग्रह गर्नुभएकोमा अध्यक्ष ज्युबाट ‘हुन्छ ,आउनुस् समय मिलाउला’ भन्नुभएको छ ।’
नगरपालिकाका प्रेस संयोजक ललित राईका अनुसार कहिले भट्ने भन्नेबारे एकिन भने भएको छैन ।
