रामधुनी । सुनसरीको रामधुनी नगरपालिकाका मेयर जयप्रकाश चौधरीले रामधुनी मन्दिर बिकासका लागि स्थानीय सरकारले धेरै काम गरेको बताएका छन् ।
शनिबार शुभयुग मिडिया प्रा.लि.द्धारा सञ्चालित हाम्रो शब्द डटकमले आयोजना गरेको एक कार्यक्रमलाई सम्बोधन गर्दै मेयर चौधरीले यस्तो बताएका हुन् ।
‘म निर्वाचित हुँदा रामधुनी मन्दिर गइनसक्नु थियो, अहिले राम्रो छ ।’ कार्यक्रममा उनी भन्छन्, ‘त्यतिबेला र अहिले मन्दिर जाँने बाटोको अबस्था हेरौँन कति सुधार भएको छ !’
कार्यक्रममा उनले धार्मिक पर्यटन बिकासको राम्रो सम्भावना बोकेको उक्त मन्दिरको बिकासका लागि गुरु योजना बनाएर अघि बढिरहेको बताएका छन् ।
कोरोना महामारीबिच यो बर्षसमेत उक्त मन्दिरको बिकासका लागि ५० लाख बजेट बिनियोजन गरिएको प्रशंग निकाल्दै त्यसलाई कसरी खर्च गर्ने भन्ने बिषयमा आफुले सबैसँग सल्लाह गरेर अघि बढिरहेको उनी बताउँछन् ।
अन्य स्थानीय तहको तुलनामा रामधुनीमा तिब्र बिकास भइरहेको उनको दाबी छ ।
जनप्रतिनिधि भइसकेपछि सबै पार्टीसँग सहकार्य गरेर जानुपर्ने उनको भनाई थियो । नगरको बिकास कति भइरहेको छ ? भनेर जनता स्वयंले मुल्यांकल गर्न सक्ने भन्दै उनले आफुले गरेका कार्यहरुबारे जनताले सचेत भएर हेरिरहेकोसमेत बताए ।
नेपाल कम्युनिष्ट पार्टी (नेकपा) रामधुनी नगर कमिटी अध्यक्ष राम कोइरालाप्रति लक्षित गर्दै मेयर चौधरीले केहि ब्यक्तिहरुले ‘मेयर बृद्ध भएको र सिन्को पनि भाँच्न नसकेको’ भन्ने आरोप लगाए पनि त्यो सत्य नभएको बताए ।
यो पनि …..
