रामधुनी । जनता समाजवादी पार्टीबाट प्रतिनिधित्व गर्ने राष्ट्रिय सभा सदस्य प्रमिला यादवले राजतन्त्र फर्काउँन ओली सरकारले ‘संघीय लोकतान्त्रिक गणतन्त्र’ नाम मेटेको ओरोप लगाएकी छिन् ।
सदावहार मिडिया प्रालिले सुनसरीको बराहक्षेत्रमा आयोजना गरेको एक कार्यक्रमलाई सम्बोधन गर्दै यादवले यस्तो आरोप लगाएकी हुन् ।
ओली सरकार जनताको त्याग र बलिदानिपूर्ण संघर्षबाट प्राप्त उपलब्धिलाई समाप्त पार्ने योजनामा रहेको ओरोप लगाउँदै उनले भनिन्, ‘सरकारले मन्त्रिपरिषदबाट निर्णय गरेर संघीय लोकतान्त्रिक गणतन्त्रात्मक नेपाल भन्ने नामलाई मेटाएर नेपाल मात्रै लेख्ने निर्णय गरेको छ । ओली सरकार राजतन्त्र फर्काउँन चाहन्छ । त्यसैले सकारको उक्त निर्णयलाई कमल थापाले स्वागत गरेका छन् ।’
प्रेस र बिचार अभिव्यक्ति स्वतन्त्रालाई कुण्ठित पार्न सरकारले मिडिया काउन्सिल विधेक ल्याएको स्मरण गराउँदै उनले थपिन्, ‘त्यतिबेला जनताले लडेर प्राप्त गरेको अभिव्यक्ति स्वतन्त्रता खोस्नलाई सरकार लागेको थियो । हामीले त्यसको प्रतिबाद गर्यौ । अहिलेत सबै उपलब्धि खोस्न संघीय लोकतान्त्रि गणतन्त्र भन्ने वाक्यांश नै हटाउँदैछ ।’
जनताका प्राप्त सबै उपलब्धिलाई एकपछि अर्को गर्दै खोस्न लागिपरेको ओली सरकारलाई सबैले बलैमा चिन्नुपर्ने उनको भनाई थियो ।
फरक प्रशंगमा उनले जनता समाजवादी पार्टीमा मधेश आन्दोलनले जन्माएका उपेन्द्र यादव, महन्थ ठाकुर, देश विदेशमा परिचित पूर्व प्रधानमन्त्री डा. बाबुराम भट्टराई, असोक राईजस्ता नेताहरु रहेकाले अब यो पार्टीले देशको नेत्तृत्व गर्ने दावीसमेत गरिन् ।
