रामधुनी । उदयपुरको बेलका नगरपालिका मेयर दुर्गाकुमार थापा र उपमेयर राजकुमारी चौधरीबीच बोलचाल नै बन्द भएको छ ।
भ्रष्टाचार भएको भन्दै गत ७ साउनमा उपमेयर चौधरीले सामाजिक सञ्जाल (फेसबुक) मार्फत राजीनामा घोषणा गरेयता मेयर–उपमेयरबीच सम्बन्ध चिसिएको थियो ।
उपमेयर चोधरीले फेसबुकमा राजीनमा दिन्छु भने पनि राजीनामा भने दिइनन् । उनको त्यहि स्टाटसलाई लिएर जनताले नगरपालिका र मेयर थापाविरुद्ध आन्दोलनसमेत गरेका थिए ।
आफुले भ्रष्टाचारको मुद्धा उठाएपछि आफु र मेयरबीच बोलचालन नै बन्द भएको उपमेयर चौधरीले बताएकी छिन् । हाम्रो शब्दसँगको एक अन्तर्वार्तामा उपमेयर चौधरीले भ्रष्टाचारको मुद्दा उठाउँदा आफु एक्लिएको प्रशंग निकाल्दै भनिन्, ‘राखेर के गर्नू (भ्रष्टाचारको कुरा) ! कसले सुन्ने ? कसले सुन्दिने ? जो बोल्छ त्यो नराम्रो भइहाल्दो रछ । बोलचाल नै बन्द छ, (मेयर–उपमेयरबीच) भ्रष्टाचारको कुरा उठाएदेखि ।’
‘मेयर र उपमेयरको बोलचाल नै छैन ?’ भन्ने हाम्रो शब्दको प्रश्नमा उनले भनिन्, छैन,.. छैन । आबस्यक काम पर्छ भने, त्यस्तै इमर्जेन्शि काम पर्छ भने, नबोली नहुँने छ भने उहाँ (मेयर) पनि बोल्न बाध्य हुनुहुन्छ, म पनि बोल्न बाध्य हुन्छु । नभए बोलचाल बन्द जस्तै छ ।’
मेयर–उपमेयरबीचको विवादले बिकासका काममासमेत समस्या भइरहेको उपमेयरको भनाई छ ।
यो पनि पढ्नुहोस् ……
बेलका नगरपालिकामा भएका भ्रष्टाचारको प्रमाण मसँग छ : उपमेयर चौधरी (अन्तर्वार्ता)
