धरान । ‘रिंकीबुङको राँगोलाई’ गीतका लोक गायक सुरेश गन्धर्वलाई भेट्न धरान उपमहानगरपालिकाकी उपमेयर मञ्जु भण्डारी अस्पताल पुगेकी छिन् ।
‘रिंकीबुङको राँगोलाई’ बोलको चर्चित गीतका गायक गन्धर्व केही समयदेखि स्वास्थ्यमा भएर ओछ्यानमा थलिएका थिए । आर्थिक अबस्थामासमेत नाजुग भएका गन्दर्वलाई विभिन्न ब्यक्तिहरुको सहयोगमा अस्पतालसम्म पुर्याइएको थाहा पाएपछि उपमेयर भण्डारी गन्दर्वलाई भेट्न अस्पताल पुगेकी हुन् ।
कमजोर आर्थिक अबस्थाका कारण अस्पताल भर्ना गर्नै समस्या भएको थाहा पाएपछि रंगभुमी एकेडेमीका अध्यक्ष विष्णु मोक्तान, नेकपाका नेता चोत्लुङ र सञ्चारकर्मी संजिता धमला लगायतको पहलमा हिजो उनलाई बीपी कोइराला स्वास्थ्य विज्ञान प्रतिष्ठानमा उपचारका लागि भर्ना गरिएको थियो ।
उपमेयर भण्डारीले गन्दर्वलाई ब्यक्तिगत र उपमहानगरको तर्फबाट सहयोग गर्ने प्रतिबद्धतासमेत जनाएर फर्किएको गन्दर्वका सहयोगीले बताएका छन् ।
गन्धर्व दीर्घरोगी भएकोले उनलाई अरू रोगको पनि सङ्क्रमण हुनसक्ने भन्दै प्रतिष्ठानको ट्रपिकल वार्डको ४ नम्बर बेडमा भर्ना गरिएको रंगभुमी एकेडेमीका अध्यक्ष मोक्तानले बताए ।
