हिन्दुराष्ट्र र राजसंस्थाको पक्षमा जहाँ जोसुकैले कार्यक्रम गर्दा खुसी लाग्छ : थापा

सुनसरी । राष्ट्रिय प्रजातन्त्र पार्टी (राप्रपा) का अध्यक्ष कमल थापाले हिन्दुराष्ट्र र राजसंस्थाको पक्षमा जहाँ जोसुकैले कार्यक्रम गर्दा खुसी लाग्ने बताएका छन् ।

राजाको पक्षमा देशका विभिन्न ठाउँमा प्रदर्शन भइरहेका बेला बिहीबार सामाजिक सञ्जाल (फेसबुक) मा उनले यस्तो धारण ब्यक्त गरेका छन् ।

उनले लेखेका छन्, ‘राज संस्थासहितको लोकतन्त्रको पक्षमा देशका विभिन्न भागहरुमा देखिएको जनलहर उत्साहवर्द्धक छ । हिन्दुराष्ट्र र राजसंस्थाको पक्षमा जहाँ जोसुकैले कार्यक्रम गर्दा हामीलाई खुसी लाग्छ । हाम्रो समर्थन रहन्छ ।’