रामधुनी । उदयपुरको बेलका नगरपालिकाका मेयर दुर्गाकुमार थापा ‘स्वस्ती’ले आफ्नो नगरपालिकाले कुनै पनि नागरिकलाई भोकै नराख्ने बताएका छन् ।
बिहीबार महिला हिंसाविरुद्धको १६ दिने अभियानको क्रममा आयोजित साइकल बितरण कार्यक्रममा बोल्दै मेयर थापाले यस्तो बताएका हुन् ।
सामाजवादको यात्रामा आफुहरु रहेको र त्यसका न्यूनतम मापदण्डबारे आफु जानकार रहेको दावी गर्दै थापाले भने, ‘हामी समाजवादको यात्रामा छौँ, गरिब भएकै कारण कोहि पनि बेलकावासी भोकै बस्नु पर्दैन । नगरपालिकाले कुनै पनि नागरिकलाई भोको राख्दैन ।’
दशैअघि नगरपालिकाले शुभकामनासहित चामल लगायतका खाद्यन्नससमेत विपन्नको घरमा पठाएको उनले बताए । कार्यक्रममा उनले भने, ‘हामी कुनै दिवस मनाउँदा, शुभकामना दिँदा खाली हात गर्दैनौँ । जनतालाई दशैँमा शुभकामनाले पुग्दैन, खान पनि चाहिन्छ । विपन्नलाई हामी त्यो दिन्छौँ । अपाङ्लाई दिवस मलाइदिएर, भाषण सुनाइदिएर पुग्दैन, हामीले बेलकाभरीका अपाङ्लाई ह्वीलचियर बाँडेर दिवस मनायौँ ।’
जनतालाई अनुभूति हुँनेगरी नगरपालिकाले अर्थपूर्ण काम गरिरहेको र त्यसलाई निरन्तरता दिइने उनको भनाई छ ।
यो पनि …..
उदयपुरको बेलका नगरपालिकाद्धारा ९० छात्रालाई साइकल बितरण, सय ओटा अझै बाँड्ने
