१८ मंसिर, सुनसरी । नेपाली कांग्रेसका नेता रामचन्द्र पौडेलले गणतन्त्रकालमा पनि पुलिसको पेलानबाट छुटकारा नमिलेको बताएका छन् ।
बिहीबार उनले सामाजिक सञ्जाल (फेसबुक) मार्फत आफ्ना धारणा सार्वजनिक गर्दै यस्तो बताएका हुन् ।
उनले लेखेका छन्, ‘पुलिसको डण्डाबाट पेलिएका मेरा करङ दिउसोभन्दा साँझ दुखेर आयो, हिजोभन्दा आज दुखाइ बढी छ । सात दशकको अथक प्रयासबाट प्राप्त गणतन्त्रमा पनि पुलिस पेलानबाट छुटकारा मिल्न सकेको छैन । असली लोकतन्त्र कहिले साकार हुने हो ? मेरो चिन्ता यसैमा छ ।’
