ADVERTISEMENT
१९ मंसिर, सुनसरी । नेपाली कांग्रेसका बरिष्ठ नेता रामचन्द्र पौडेलले प्रधानमन्त्री एवम् नेकपाका अध्यक्ष केपी ओली लोकतन्त्रका लागि नभई व्यक्ति हत्या मुद्दामा १४ वर्ष जेल बसेको बताएका छन् ।
कम्युनिष्टहरू लोकतन्त्रवादी नहुने जिकिर गर्दै उनले भने, ‘कसले भन्यो ओली लोकतन्त्रको नाममा १४ वर्ष जेल बसे भनेर ? ज्यान मुद्दामा बसेको हो ।’
बिहीबार तनहुँमा पुल उद्घाटन गर्दै पौडेलले ओलीमाथि यस्तो आरोप लगाएका हुन् ।
‘जोशमा आएर झापा काण्ड घटिहाल्यो। यो लोकतन्त्रका लागि हो ? म मान्दिनँ । केपी ओली मेराअगाडि कुरा गरूँन्,’ उनले भने।
पौडेलले बुधबार नै तनहुँमा पुल उद्घाटन गर्ने कार्यक्रम थियो। निषेधाज्ञा उल्लंघन गरेको भन्दै प्रहरीले उनलाई तीन घन्टा नियन्त्रणमा लिएर छाडेको थियो।
उनले पुनः बिहीबार जुलुससहित गएर पुल उद्घाटन गरेका हुन्।
