२५ मंसिर, बेलका । उदयपुरको बेलका नगरपालिकास्थित बेलका जनता क्याम्पसमा विद्यार्थीको अगुवाइमा सरस्वती मन्दिर बन्ने भएको छ ।
गएको सोमबार त्यसको सिलान्याससमेत गरिएको छ । सिलान्यास भएपछि मन्दिर निर्माणको बिषयमा विद्यार्थी र क्याम्पस सञ्चालक समितिका अध्यक्ष रमण भट्टराईलेसमेत सक्रियता देखाएका छन् ।
मन्दिर निर्माण समितिमा विद्यार्थीको नेतृत्व छ । विद्यार्थीकै अग्रसरतामा मन्दिर निर्माण गरिने भएकाले आफुहरु उत्साहकासाथ लागिरहेको निर्माण समितिका संयोजक सुमन सागर खतिवडाले बताए ।
उनका अनुसार त्यसको लागत करिब ३ लाख हाराहारीमा रहने छ । प्राबिधिक स्टिमेट तयार गरिसकिएको छ ।
क्याम्पस सुधारमा सक्रिय सञ्चालक समिति
५० जना भन्दा बढी विद्यार्थी अध्यनरत नगरपालिको एकमात्र क्याम्पस हो बेलका जनता । त्यहाँ हाल बाणिज्य सन्काय अध्यन भैरहेको छ । अन्य संकाय थप्ने र क्याम्पसको गुणस्तरमा वृद्धि गर्ने काम बाँकी छन् ।
स्थानीय तहको निर्वाचनपछि नगरपालिकाको सहयोगमा क्याम्पसमा २ ओटा भवन् निर्माण भएका छन् भने एउटा भवन् प्रदेश सरकारको सहयोगमा निर्माण भएको छ ।
भर्खरै क्याम्पसमा सरस्वती मन्दिरको सिलान्यास भएको छ । उक्त कार्यक्रममा सञ्चालक समितिका अध्यक्ष भट्टराईले ५० हजारको विद्यार्थी छात्रवृत्ति कोष घोषणा गरेका छन् ।
क्याम्पसमा भौतिक संरचना सुधारदेखि शैक्षिक सुधारका क्षेत्रमासमेत सञ्चालक समितिले सकारात्मक भूमिका निर्वाह गरिरहेको मन्दिर निर्माण समितिका संयोजकसमेत रहेका विद्यार्थी खतिवडाको तर्क छ । उनका अनुसार स्थानीय तह र प्रदेश सरकारले क्याम्पसका भवन निर्माण गरिदिनुमासमेत सञ्चालक समितिको ठूलो भूमिका रहेको छ ।
केहि दिअघि एक कार्यक्रममा अध्यक्ष भट्टराईले मुख्यमन्त्री शेरधन राइलाई साँची राखेर नेपाल कम्युनिष्ट पार्टी (नेकपा) १ नम्बर प्रदेश कमिटी सचिव तथा प्रतिनिधिसभा सदस्य सुरेश कुमार राईलाई थप संकाय लगायत क्याम्पसको भौतिक पूर्वाधार बिकासमा सहयोग गर्न आग्रह गरेका छन् ।
क्याम्पसको तर्फबाट एक ग्यापनपत्र हस्तान्तरण गर्दै उनले यस्तो आग्रह गरेका हुन् । प्रतिनिधिसभा सदस्य राई संसदीय समिति अन्तर्गत शिक्षा उप–समिति संयोजक हुन् ।
आफु पनि बेलकाबासी भएको हुदाँ यहाँको क्याम्पस सुधार सहयोग गर्ने राईले प्रतिबद्धता जनाएका छन् ।
