२६ मंसिर, रामधुनी । नेपाल कम्युनिष्ट पार्टी (नेकपा) निकट विद्यार्थी संगठन् अनेरास्ववियुले इटहरीस्थित जनता बहुमुखी क्याम्पसलाई २४ घण्टे अल्टिमेटम दिएको छ ।
इटहरीका अन्य क्याम्पसको बार्षिक परिक्षा जनता क्याम्पसमा हुँदै आएको इतिहास भएपनि यो बर्ष विश्व आदर्श कलेजमा परिक्षा केन्द्र तोकिएपछि अनेरास्ववियु आक्रोसित बनेको हो ।
आफुहरुको माग पुरा नभए आन्दोलन गर्ने चेतावनीसहित शुक्रबार संगठनका क्याम्पस संयोजक उज्वल सिग्देल र सह–संयोजक अर्जुन पौडेलले विज्ञप्ति जारी गर्दै क्याम्पसलाई २४ घण्टे अल्टिमेटम दिएका हुन् ।
एक बर्षसम्म त्रिभुवन विश्वविद्यालयबाट सञ्चालन हुने कुनै पनि परिक्षाको परिक्षा–केन्द्र हुन नपाउँने गरी जनता क्याम्पस कारवाहीमा परेको भन्ने सूचना पाएकाले कारवाहीको कारण स्पष्ट पार्न विद्यार्थी संगठनले माग गरेको छ ।
आफुहरुको माग २४ घण्टाभित्र पुरा नभए आन्दोलन गर्ने र त्यसको सम्पुर्ण क्षति क्याम्पस प्रशासनले बेहोर्नूपर्ने अनेसास्ववियुले चेतावनी दिएको छ ।
