तानाशाही शासकविरुद्ध एकजुट भएर संघर्ष गरौँ : चौधरी

रामधुनी । पूर्व राज्यमन्त्रीसमेत रहेकी नेपाल कम्युनिष्ट पार्टी (नेकपा) की केन्द्रिय सदस्य रामकुमारी चौधरीले प्रधानमन्त्री केपी शर्मा ओलीको असंवैधानिक कदमविरुद्ध एकजुट भएर लड्न आह्वान गरेकी छिन् ।

प्रधामन्त्री ओलीतर्फ लक्षित गर्दै चौधरीले तानाशाही शासकविरुद्ध एकजुट भएर संघर्ष गर्न अनुरोध गरेकी हुन् ।

सार्वभौम संसद विघटन भएको दिनलाई ‘इतिहासको कालो दिन’ भन्दै चौधरीले सामाजिक सञ्जाल (फेसबुक) मार्फत आफ्नो धारणा राखेकी हुन् ।

उनले संसद विघटनलाई ‘समाजिक फाँसी वाद’को संज्ञा दिएकी छिन् । उनले भनेकी छिन्, ‘केपी ओलीको असंवैधानिक कदम समाजिक फाँसीवाद, निरङ्कुश तानाशाही शासककोविरुद्धमा एक जुट भएर संघर्ष गरौ ।’