सुनसरी । राजसंस्था र हिन्दु राष्ट्रको मागसहित राष्ट्रिय प्रजातन्त्र पार्टी (राप्रपा) को युवा संगठनले शनिबार काठमाडौंमा मोटरसाइकल र्याली निकालेको छ ।
राप्रपाको र्याली बबहरमहलबाट सुरु भएर थापाथली, त्रिपुरेश्वर, सुन्धारा, रत्नपार्क, जमल हुँदै दरबारमार्गसम्म पुगेको थियो ।
र्यालीमा राप्रपाका अध्यक्षहरु कमल थापा, डा. प्रकाशचन्द्र लोहनी लगायतका वरिष्ठ नेताहरु सहभागी थिए । थापा र लोहनीले माइतीघर पुगेर आन्दोलनरत उखु किसानका मागहरूप्रति समर्थन र ऐक्यबद्धता प्रकट गरेका थिए ।
राप्रपाले राजसंस्था र हिन्दु राष्ट्रको माग गर्दै विभिन्न संघर्षका कार्यक्रम घोषणा गरिसकेको छ । पुस १७ गते उपत्यकामा बृहत प्रदर्शन गर्ने तयारी पनि राप्रपाले गरेको छ ।
