सुनसरी । पूर्व प्रधानमन्त्री एवम् जनता समाजवादी पार्टी (जसपा) का संघीय परिषद अध्यक्ष डा.बाबुराम भट्टराईले कामचलाउ प्रधानमन्त्री केपी शर्मा ओलीलाई हटाउँनुपर्ने बताएका छन् ।
शुक्रबार भट्टराईले सामाजिक सञ्जाल (ट्वीटर) मार्फत भनेका छन् ‘ओली हटाऊँ, देश बचाऊँ’ ।
छापामार शैलीमा ओली सरकारले कृषिक्षेत्रमा विदेशी लगानी खुला गर्ने निर्णय गरेको भन्दै उनले आपत्ति जनाएका छन् ।
उक्त निर्णय गलत, जनघाती र राष्ट्रघाती भएको भट्टराईको ठहर छ ।
उनी लेख्छन्, ‘छापामार शैलीमा ओली सरकारले कृषिक्षेत्रमा विदेशी लगानी खुलागर्ने जुन निर्णय गरेको छ, त्यो सबै हिसाबले गलत, जनघाती, राष्ट्रघाती छ । यसले उसै थला परेको कृषि झन् बर्बाद हुनेछ किसान वेदखल हुनेछ खाद्यसुरक्षा धरापमा पर्नेछ अर्थतन्त्र अरू परनिर्भर हुनेछ । सबैले प्रतिरोध गरौं । ओली हटाऊ, देश बचाऊ !’
छापामार शैलीमा ओली सरकारले कृषिक्षेत्रमा विदेशी लगानी खुलागर्ने जुन निर्णय गरेको छ त्यो सबै हिसाबले गलत,जनघाती,राष्ट्रघाती छ।यसले उसै थला परेको कृषि झन् बर्बाद हुनेछ;किसान वेदखल हुनेछन्;खाद्यसुरक्षा धरापमा पर्नेछ;अर्थतन्त्र अरू परनिर्भर हुनेछ।सबैले प्रतिरोध गरौं।#ओलीहटाऊॅदेशबचाऊॅ
— Baburam Bhattarai (@brb1954) January 1, 2021
