रामधुनी । नेपाल कम्युनिष्ट पार्टी (नेकपा) सुनसरी जिल्ला इन्चार्ज एवम् केन्द्रीय सदस्य धर्मराज निरौलाले प्रतिनिधिसभा विघटन संबैधानीक, राजनीतिक र नैतिक हिसाबले प्रतिगामी कदम भएको बताएका छन् ।
शनिबार इटहरीमा आयोजित प्रचण्ड–माधव नेपाल समुहको बिस्तारित सुनसरी जिल्ला कमिटी बैठकमा बोल्दै उनले सरकारको उक्त कदमविरुद्ध आन्दोलनमा जानुको विकल्प नरहेकोसमेत बताएका छन् ।
‘संबैधानीक हिसाबले, नैतिक हिसाबले, अनि राजनीतिक हिसाबले यो प्रतिगामी कदम हो । यो प्रतिक्रान्तिकारी कदम हो ।’ उनले भने, ‘त्यसैले त्यसकाविरुद्ध हामी कम्युनिष्टहरु एकतावद्ध भएर यी षडयन्त्रलाई धुजाधुजा पार्दै सुनसरीको कम्युनिष्ट आन्दोलनलाई एकतावद्ध बनाएर अगाडि बढाउँनुको विकल्प छैन, कमरेडहरु ।’
सरकारको उक्त कदमकाविरुद्ध एकजुट भएर आन्दोलनमा लाग्न उनले सबै पार्टीका नेता–कार्यकर्तालाई आग्रह गरेका छन् । ओली पक्षधरहरुले आफ्नो पार्टी आधिकारीक हो भन्दै भ्रम फैलाएको र त्यसलाई चिर्दै अगाडि बढनुपर्ने उनको भनाई छ ।
प्रतिनिधिसभा विघटन गरेर बर्तमान प्रधानमन्त्री ओलीले संबिधानमाथि बञ्चरो प्रहार गरेको निरौलाले बताए ।
