रामधुनी । नेपाल कम्युनिष्ट पार्टी (नेकपा) सुनसरी जिल्ला संगठन बिभाग प्रमुख नन्दकुमार बस्नेतले जनताको रगत र पसिनासँग साटिएको संबिधानको अपव्याख्या गर्ने काम भएको बताएका छन् ।
शुक्रबार नेकपा रामधुनी नगर कमिटीको बिस्तारित बैठकलाई सम्बोधन गर्दै प्रचण्ड–माधव नेपाल समूहका नेता बस्नेतले भने, ‘जनताको लागि यो सरकारले केहि गर्छ भन्ने आम जनतामा उत्साहको संचार भएको बेला बिचैमा यो के आइलाग्यो ? जनताको रगत र पसिनासँग साटिएको संबिधानको अपव्याख्या गर्ने काम भयो, भइरहेको छ ।’
संसद विघटन असंबैधानीक कदम भएको र त्यसैका कारण सारा नेपाली मर्माहत भएको बस्नेतको भनाई छ ।
अन्धकारको सुरुङमा मुलुक फस्न लागिरहेकाले त्यसबाट मुलुकलाई बाहिर निकाल्न संसद पुनःस्थापनाको विकल्प नरहेको उनले बताए ।
‘यो गैरलोकतान्त्रीक, अनैतिक, असंबैधानीक कदम फिर्ता गराउँनका लागि सारा नेपाली एकजुट हुनुपर्छ, हामी त्यहि अभियानमा छौँ ।’ उनले भने ।
