रामधुनी । नेपाल कम्युनिष्ट पार्टी (नेकपा) रामधुनी नगर कमिटी सह–इन्चार्ज दिनेश चौधरीले बर्तमान प्रधानमन्त्री केपी शर्मा ओली तानाशाही शासक बन्न खोजेको भन्दै बालुवाटारबाट सडकमा ल्याउँने चेतावनी दिएका छन् ।
शुक्रबार झुम्कामा प्रचण्ड–माधव नेपाल समुहले आयोजना गरेको रामधुनी नगर कमिटीको बिस्तारित बैठकमा बोल्दै उनले भने, ‘केपी ओली कम्युनिष्टको नाममा कलंक हुन् । तानाशाही शासक बन्न खोजेका ओलीलाई बालुवाटारबाट सडकमा ल्याउँने छौँ ।’
राष्ट्रपति विद्यादेवी भण्डारीलेसमेत आफ्नो पदिय मर्यादालाई बिर्षिएर ओलीको असंबैधानीक, अलोकतान्त्रीक र प्रतिगामी कदमलाई साथ दिएर ठुलो गल्ति गरेको उनको ठहर छ ।
न्यायलयले प्रतिनिधिसभा विघटनको असंबैधनीक निर्णय उल्टयाउँने उनको दावी छ । उनी भन्छन्, ‘तपाई–हामी ढुक्क हुँदा हुन्छ । न्यायलयले न्यायको पक्षमा फैसला गर्छ ।’
अहिले सबै गणतन्त्र र लोकतन्त्रका पक्षधरहरु एक हुनुपर्ने उनको भनाई छ । ‘संघीय, धर्मनिरपेक्षता, समानुपातिक समाबेशीजस्ता जनताको रगत, पशिनाबाट प्राप्त उपलब्धिलाई ओलीले समाप्त पार्न खोजेका छन् । तपाई हामी यो बेला पनि एक भएनौ भने प्रतिक्रियावादीहरुलाई फाइदा हुन्छ । त्यसकारण गणतन्त्र र लोकतन्त्रका पक्षधरहरु एक हुनुपर्छ ।’ उनले भने ।
