रामधुनी । रामधुनी नगरपालिका वडा नं. ६ मा रहेको सरोना मुसहर बस्तिको समस्या समाधान गर्न पहल गर्ने रामधुनी नगरपालिकाले प्रतिवद्धता ब्यक्त गरेको छ ।
बुधबार नगरपालिकाको सार्वजनिक सुनुवाई कार्यक्रममा मुसहर बस्तिको समस्याबारे प्रश्न उठेपछि नगरपालिकाकोतर्फबाट जवाफ दिँदै शिक्षा अधिकृत राजन गेलालले उक्त प्रतिवद्धता ब्यक्त गरेका हुन् ।
‘हामी उक्त बस्तिको समस्या समाधनका लागि पहिलादेखि नै गम्भीर छौँ । सञ्चार माध्यममासमेत कुरा आएपछि हामी थप गम्भीर बनेका छौँ । सोमबार वडाअध्यक्ष ज्यू, बस्ति नजिकको पञ्चायत विद्यालयका सरहरु, म शिक्षा अधिकृत लगायतको टोली उक्त मुसहर बस्तिमा जान्छौँ ।’ उनले भने ।
विद्यार्थीको बढ्न पाउँने अधिकार प्राप्तिका लागि राज्यसमेत जिम्मेवार हुनुपर्नेबारे आफु गम्भीर रहेको भन्दै उक्त समस्या समाधानमा नगरपालिकाका प्रतिवद्ध रहेको उनले बताए ।
‘रामधुनीको मुसहर बस्तिका बालबालिका विद्यालयमा टिक्दैनन्’ शिर्षकमा हाम्रो शब्दले समाचार प्रकाशन गरेपछि नगरपालिकाको सार्वजनिक सनुवाइमा त्यसबारे प्रश्न उठेको थियो ।
