रामधुनी । सरकारविरुद्ध सुनसरीको रामधुनीमा नेपाली काङ्ग्रेसले विरोध प्रदर्शन गरेको छ ।
शनिबार नेपाली कांग्रेसले संसद विघटन असंवैधानिक भएको भन्दै देशभर विरोध र्याली र सभा आयोजना गरेकोले पार्टीको निर्देशनअुसार रामधुनीमा पनि सरकारविरुद्ध विरोध प्रदर्शन गरिएको कांग्रेस रामधुनीका सभापति सुदीप अधिकारीले बताए ।
विरोध र्याली लगौना चौकदेखि शिवचौकसम्म पुगेर नगर पार्टी कार्यालय अगाडि विरोधसभामा परिणत भएको थियो ।
विरोधसभामा संघीय संसदसमेत रहेका कांग्रेस नेता सिताराम मेहेता, प्रदेशसभा सदस्यसमेत रहेकी नेत्री नवोदिता चौधरी, कांग्रेस नेता बद्रीनारायण चौधरी लगायतको उपस्थिति रहेको थियो ।
कम्युनिष्ट सरकार सर्वसत्तावादी, अधिनायकवादी, दमनकारी, भ्रष्टाचारमा लिप्त र कोरोना रोकथाममा असफल भएको लगातका आरोप बक्ताहरुले लगाएका थिए ।
सभालाई सम्बोधन गर्दै प्रदेशसभा सदस्य नवोदिता चौधरीले संसद विघटन असंबैधानीक कदम भएको बताइन ।
