रामधनी । नेपाल कम्युनिष्ट पार्टी (नेकपा) को जनवर्गीय संघठन राष्ट्रिय युवासंघ नेपाल, सुनसरीले पूर्णता पाएको छ ।
एकताका सम्पुर्ण प्रकृया नटुंगिदै राजनीतिक रुपमा पार्टी बिभाजन भएपछि नेकपाको प्रचण्ड–माधव नेपाल समुहले युवासंघ सुनसरीलाई पूर्णता दिएको हो ।
राष्ट्रिय युवासंघले शुक्रबार रामधुनीमा एक कार्यक्रमको आयोजना गरी जिल्लाभरीको एकता प्रकृया टुंगो लगाएको हो ।
योसँगै युवासंघ सुनसरी ७१ सदस्यीय बनेको छ । जसमा रामधुनी नगरपालिकाबाट ७ जना जिल्ला कमिटी सदस्य बनेका छन् ।
नेकपा रामधुनीका युवा तथा खेलकुद विभाग प्रमुखसमेत रहेका रमेश खत्री, नेकपा रामधुनीका नगर कमिटी सदस्य खेमराज पौडेल, नगर कमिटी सदस्य विन्देश चौधरी युवासंघको जिल्ला कमिटी सदस्य चयन भएका छन् । त्यस्तै रामधुनीबाटै मनिष काफ्ले, सञ्जिव चौधरी ‘अमृत’, अच्युत कृष्ण चौलागाई र सन्देश तामाङ् गरी ७ जना चयन भएका हुन् ।
युवासंघ सुनसरीको संयोजकमा भुवन याक्खा र सह–संयोजकमा राजेन्द्र राई चयन भएका छन् । त्यस्तै, युवासंघले सुनसरीका १२ ओटै स्थानीय तहलाईसमेत पूर्णता दिएको छ ।
