विछोड प्रेमी (कविता)

ADVERTISEMENT

– अभिस खतिवडा

तिम्रो सम्झनामा मेरो आँसु पिउँदा–पिउँदै पिउन नसक्ने भएछु
जिउँदा–जिउँदै तिम्रो नाममा जिन्दगी, म जिउन नसक्ने भएछु

स्वर अनायासै लर्बरायो, तिम्रो प्रेमको बखान गर्दागर्दै
म मदहोशीमा तिम्रो तस्बिर हेरेर बोल्नै नसक्ने भएछु

मन यसै भक्कानियो, तिम्रो कल्पनामा खेल्दा–खेल्दै
म आँखा पुछेर हरेक पल्ट, दिलको ढोका खोल्नै नसक्ने भएछु