रामधुनी । पूर्व राज्यमन्त्री एवम् नेपाल कम्युनिष्ट पार्टी (नेकपा) प्रचण्ड–माधव नेपाल समूहकी केन्द्रिय सदस्य रामकुमारी चौधरीले नागरिक अगुवाहरुले गरेकोे आन्दोनलाई दमन गर्नू लोकतन्त्रको उपहास भएको बताएकी छिन् ।
सोमबार समाजिक सञ्जाल (फेसबुक) मार्फत उनले भनिन्, ‘असंबैधानिक कदमविरुद्धमा नागरिक अगुवाहरुले गरेको आन्दोलनलाई दमन गरेर केपी ओलीको निरङ्कुश शासनले लोकतन्त्रको उपहास गरेको छ ।’
उनले घाइतेहरुको शीघ्र स्वास्थ्य लाभको कामनासमेत गरेकी छन् । प्रधानमन्त्री केपी ओलीलाई पटकपटक तानाशाहको संज्ञा दिँदै आएकी चौधरीले ‘तानाशाही शासककोविरुद्धमा शसक्त आन्दोलन गरौँ’ भन्दै संघर्षको आह्वानसमेत गरेकी छन् ।
सोमबार संसद विघटन असंबैधानीक कदम भएको भन्दै त्यसको विरोधमा शान्तिपूर्ण मार्चमा निस्किएका नागरिक अभियन्तालाई प्रहरीले लाठी र पानीको फोहोरा हानेर घाइते बनाएपछि सरकारको चौतर्फी आलोचना भइरहेको छ ।
