रामधुनी । नेपाल कम्युनिष्ट पार्टी (नेकपा) रामधुनी नगर कमिटी अध्यक्ष राम कोइराला नेकपाको केपी ओली समूहमा लागेका छन् ।
एकिकरणका सम्पुर्ण काम नसकिदैँ राजनीतिक रुपमा पार्टी विभाजित भएपछि कोइराला ओली समूहमा लागेका हुन् ।
प्रचण्ड–माधव नेपाल समूहका मानिने कोइराला ओली समूहमा जाने बिषय केहि समययता चर्चा हुँदै आएपनि त्यो पुष्टि भएको थिएन ।
तर, बिहीबार सुनसरीको दुहवीमा उप–प्रधान एवम् रक्षामन्त्रीसमेत रहेका ओली समूहका नेता इश्वर पोखरेल उपस्थित कार्यक्रममा माला, खादासहित मञ्चमा देखिएपछि कोइराला उक्त समूहमा औपचारीक रुपमा खुलेका हुन् ।
अध्यक्ष कोइरालाले हाम्रो शब्दसँगको कुराकानीमा आफू ओली समूहमा गएको कुरा सत्य भएको बताएका छन् ।
