रामधुनी । नमुना नगर बाल सञ्जाल रामधुनीको अध्यक्षमा सुगम झा चयन भएका छन् ।
मनन् खडकाको नेतृत्वमा रहेको पुरानो समितिको कार्यकाल सकिएपछि शनिबार रामधुनीमा भएको नगरस्तरीय बाल भेलाले झाको नेतृत्वमा नयाँ समिति निर्माण गरेको बाल सञ्जालकी पूर्व अध्यक्ष मनिषा पाण्डेले जानकारी दिइन ।
जसमा प्रिती चौधरी उपाध्यक्ष, छविरमण दाहाल सचिव, धिरज उराव सह–सचिव र रञ्जु कट्टेल कोषाध्यक्षमा चयन भएका छन् ।
बाल सञ्जाल १५ सदस्यीय बनेको छ । जसमा रोशन शर्मा, पुजन राउत, स्मृति राजधामी, उर्मिला दाहाल, प्रिमा कार्की, मुकेश ठाकुर, विनोद भट्टराई, मोनिका चौधरी, नेहा चौधरी र धिरज कार्की सदस्य रहेका छन् ।
बालमैत्री नगर घोषणाको संघारमा रहेको रामधुनी नगरपालिकामा बाल सञ्जालको भूमिका महत्वपूर्ण रहदै आएको छ ।
