सुनसरी । नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल प्रचण्डले सामाजिक सञ्जाल नियन्त्रण गर्ने सरकारको निर्णयप्रति आपत्ति जनाएका छन् ।
आज फेसबुकमा एक स्टाटस लेख्दै प्रचण्डले सरकारको कदम संविधान विरोधी, अलोकतान्त्रिक र जनविरोधी भएको टिप्पणी गरेका छन् । उनले सामाजिक सञ्जाल नियन्त्रण नभई उचित नियमनको पक्षमा माओवादी रहेको बताए । उनले भने, ‘हाम्रो पार्टी सामाजिक सञ्जालको नियन्त्रण होइन, उचित नियमनको पक्षमा अडिग छ ।’
सरकारकोले सर्वोच्च अदालतले दिएको आदेशको अपव्याख्या समेत गरेको उनको आरोप छ । त्यस्तै सकारको निर्णयले देशको अर्थतन्त्रलाई निरन्तर टेवा दिइरहेका वैदेशिक रोजगारीमा रहेका श्रमिक र उनका परिवारबीचको सम्पर्क तथा सञ्चारलाई समेत जटिल र असहज बनाएको प्रचण्डको दावी छ ।
उनले संविधान प्रदत्त अधिकारको प्रत्याभूति, अभिव्यक्ति स्वतन्त्रताको सम्मान र लोकतान्त्रिक मूल्य–मान्यताको रक्षा गर्न सरकारको गम्भीर ध्यानाकर्षण गराउँदै निर्णय तत्काल खारेज गर्न मागसमेत गरेका छन् ।
Discussion about this post