सुनसरीबाट एमाले महाधिवेशनका लागि ४० वर्ष मुनिका चार युवा प्रतिनिधि निर्वाचित

रामधुनी । मंसिर २७ देखि २९ गतेसम्म काठमाडौंमा हुने नेपाल कम्युनिस्ट पार्टी (एमाले) को ११ औँ राष्ट्रिय महाधिवेशनका लागि सुनसरीका चारओटै संघीय निर्वाचन क्षेत्रबाट ४० वर्ष मुनिका युवा महाधिवेशन प्रतिनिधि निर्वाचित भएका छन् ।

एमालेले प्रत्येक क्षेत्रबाट एकजना युवा महाधिवेशन प्रतिनिधि अनिवार्य रूपमा समावेश गर्ने नीतिअनुसार यसपटक युवा नेताहरूले अवसर पाएका हुन् । त्यसमा सुनसरी क्षेत्र नम्बर १ बाट दिवस वान्तावा राई, क्षेत्र नम्बर २ बाट लोकेस निरौला, क्षेत्र नम्बर ३ बाट केशव रिमाल र क्षेत्र नम्बर ४ बाट नवराज खडका निर्वाचित भएका छन् ।

दिवस वान्तावा राई युवा संघ नेपाल कोशी प्रदेश इन्चार्ज र एमाले धरान उपमहानगर कमिटीका उपसचिवसमेत हुन् । लोकेस निरौला एमाले कोशी प्रदेश कमिटी सदस्य तथा अनेरास्ववियुका पूर्व केन्द्रीय उपाध्यक्ष हुन् । त्यस्तै, केशव रिमाल र नवराज खडका दुवै एमाले सुनसरी जिल्ला कमिटी सदस्य हुन् । खडकाले यसअघि अनेरास्ववियु सुनसरीको अध्यक्षको जिम्मेवारीसमेत सम्हालिनसकेका छन् ।