सुनसरी । नेकपा एमाले सुनसरी जिल्ला कमिटीले पार्टी अध्यक्ष केपी शर्मा ओली र नेपाली कांग्रेसका नेता रमेश लेखकको गिरफ्तारीप्रति कडा आपत्ति जनाउँदै तत्काल रिहाइको माग गरेको छ ।
जिल्ला अध्यक्ष पर्शुराम यादवको अध्यक्षतामा शनिबार बसेको आकस्मिक बैठकले उक्त गिरफ्तारीलाई प्रतिशोधपूर्ण, पूर्वाग्राही र गैरकानुनी भन्दै निन्दा, भत्र्सना तथा विरोध गर्ने निर्णय गरेको हो । बैठकले यस्तो कदम लोकतान्त्रिक मूल्य र कानुनी शासनको मर्मविपरीत रहेको ठहर गरेको छ ।
बैठकले भदौ २३ र २४ गतेका घटनाको छानबिनका लागि तत्कालीन सरकारले गठन गरेको गौरीबहादुर कार्की नेतृत्वको आयोगप्रति पनि असहमति जनाएको छ । उक्त आयोगमाथि सर्वोच्च अदालतलेसमेत गम्भीर प्रश्न उठाइसकेको उल्लेख गर्दै एमालेले निष्पक्ष छानबिनका लागि बहालवाला सर्वोच्च अदालतका न्यायाधीशको अध्यक्षतामा उच्चस्तरीय आयोग गठन गर्न माग गरेको छ ।
त्यस्तै, बैठकले ओली र लेखकमाथि गरिएको गिरफ्तारी नियोजित र निर्देशित भएको आरोप लगाउँदै कानुनी शासन, लोकतन्त्र र मानवअधिकारको रक्षा गर्न राजनीतिक दल, नागरिक समाज र आम जनसमुदायलाई पहल गर्न आग्रह गरेको छ ।
Discussion about this post