सुनसरी । केपी शर्मा ओलीको रिहाइको माग गर्दै नेकपा एमालेका शीर्ष नेता तथा पदाधिकारीहरू आन्दोलनमा उत्रिएका छन् ।
पार्टीका नेताहरूको सहभागितामा राजधानीस्थित माइतीघरबाट सुरु भएको प्रदर्शनलाई निरन्तरता दिँदै विभिन्न स्थानमा विरोध कार्यक्रम भइरहेको जनाइएको छ । आन्दोलनमा पार्टीका सचिवहरू भानुभक्त ढकाल, शेरधन राई, डा. राजन भट्टराई तथा महेश बस्नेतलगायत नेताहरू सक्रिय रूपमा सहभागी भएका छन् ।
यसअघि गठित गौरीबहादुर कार्की आयोगको प्रतिवेदनका आधारमा सरकारले ओलीसहित रमेश लेखकलाई नियन्त्रणमा लिएको थियो । उक्त घटनापछि एमालेले निरन्तर विरोध कार्यक्रम गर्दै आएको छ ।
उता नेपाली कांग्रेसले भने यस विषयमा सरकारबाट निष्पक्ष छानबिन हुने अपेक्षा गर्दै सामान्य प्रतिक्रिया मात्रै सार्वजनिक गरेको छ ।
आन्दोलनकै क्रममा सञ्चारकर्मीसँग प्रतिक्रिया दिँदै एमाले सचिव शेरधन राईले वर्तमान परिस्थितिले देशलाई द्वन्द्वतर्फ धकेल्ने जोखिम बढाएको बताएका छन् ।
Discussion about this post