सुनसरी । सुनसरीको बराहक्षेत्र ८ मा रहेको सुनसरी स्टार एकेडेमीको १६ औँ अभिभावक दिवस तथा सम्मान कार्यक्रम सम्पन्न भएको छ ।
एकेडेमीको १६ औँ अभिभावक दिवस तथा सम्मान कार्यक्रमको अवसरमा विविध किसिमका विधालाई समेट्दै भव्य रूपमा कार्यक्रम सम्पन्न गरेको हो ।
कार्यक्रममा विभिन्न जाति, भाषा, संस्कृति झल्कने नृत्य विद्यार्थीहरूले प्रस्तुत गरेका थिए। उनीहरूको कला, क्षमता अनुसारका नृत्य, गायन, नाटक, साहित्य, संवाद लगायतका विधा समेटिएको थियो।
लामो समयदेखि उत्कृष्ट अभिभावक तथा जेष्ठ अभिभावकलाई सम्मान गर्दै आएको यस विद्यालयले यसपालि १० जना एकल महिलाहरूलाई सम्मान गर्यो। आफ्ना सन्तानलाई सुनसरी स्टार एकेडेमीमा अध्यापन गराइरहेका १० जना एकल महिलालाई नगदसहित पत्र र दोसल्लाले सम्मान गरिएको थियो।
त्यस्तै, विद्यालयले विभिन्न अतिरिक्त क्रियाकलाप गराउन मुख्य भूमिका निर्वाह गर्ने शिक्षक, प्याब्सन स्पोट्र्स मिट अन्तर्गतको विभिन्न बिधागत खेलमा विजयी हुने विद्यार्थी, प्याब्सन बराहक्षेत्रको नगर स्तरीय चित्रकला प्रतियोगितामा दोश्रो हुने विद्यार्थी, प्याब्सन जिल्ला स्तरीय चित्रकला प्रतियोगितामा उत्कृष्ट हुने विद्यार्थी, ’प्याब्सन बराहक्षेत्र स्कुलमा कविता सिजन–३’ को तेस्रो महेन्द्रनगर अडिसन मा प्रथम हुने विद्यार्थी गरि दुई दर्जन भन्दा बढी विद्यार्थीहरूलाई बधाई तथा सम्मान पत्र प्रदान गरिएको एकेडेमीको संस्थापक तथा प्रध्यानध्यापक अवियोग राईले बताए।
कार्यक्रमका प्रमुख अतिथि प्याब्सन सुनसरीका अध्यक्ष थानेश्वर ढकालले शिक्षामा गुणस्तर ल्याउन यस एकेडेमीले विभिन्न शैक्षिक क्रियाकलापमा निरन्तर अभ्यास गरिरहेको भन्दै प्रशंसा गरे।
अझ शिक्षाको गुणस्तरलाई बढाउन बिधालयले ध्यान दिनुपर्ने भन्दै उनले निजि विद्यालयले संस्कारसहितको शिक्षा प्रदान गराउनुपर्नेमा यस एकेडेमीले महत्त्वपूर्ण भूमिका रहेको बताए।
कार्यक्रममा विशिष्ट अतिथिको रुपमा बराहक्षेत्र शिक्षा शाखा प्रमुख उत्तम भारती, बराहक्षेत्र प्याब्सन अध्यक्ष खेमराज दुमी राई, बराहक्षेत्र–८ का वडाध्यक्ष रोशन खड्का, ईलाका प्रहरी कार्यालय महेन्द्रनगरका प्रमुख दिवस कुँवर, मुनबिम एकेडमीका प्रिन्सिपल देबेन्द्र बिष्ट, प्याब्सन बराहक्षेत्रका कोषअध्यक्ष बालकृष्ण राई, बराह मन्टेश्वरीका प्रध्यानध्यापक हरेन्द्र कुमार राई, बराहक्षेत्र नगरपालिकाका कार्यपालिका सदस्य रत्न बहादुर रम्तेललगायत उपस्थित थिए।
Discussion about this post