रामधुनी । तत्कालीन नेपाल कम्युनिस्ट पार्टी (माओवादी केन्द्र) रामधुनी नगर कमिटीका अध्यक्ष उत्तम पौडेल राष्ट्रिय स्वतन्त्र पार्टी (रास्वपा) मा प्रवेश गरेका छन् । उनले सुनसरी–२ का रास्वपा उम्मेदवार लालविक्रम थापालाई समर्थन जनाउँदै ‘देश बदलिन्छ, जब भोट बदलिन्छ’ लेखिएको पोस्टर सामाजिक सञ्जाल फेसबुकमार्फत सार्वजनिक गरेका छन् ।
हाम्रोशब्दसँगको कुराकानीमा पौडेलले ‘देश बदल्न भोट बदल्नुपर्छ, र भोट बदल्न पार्टी परिवर्तन आवश्यक देखियो’ भन्दै आफ्नो निर्णय स्पष्ट पारे । उनी लामो समय वाम राजनीतिमा सक्रिय पौडेलले केपी शर्मा ओली र पुष्पकमल दाहाल प्रचण्ड नेतृत्वको तत्कालीन नेपाल कम्युनिस्ट पार्टी (नेकपा) रामधुनी सचिवको जिम्मेवारीसमेत सम्हालेका थिए । पार्टी विभाजनपछि माओवादी केन्द्रतर्फ लाग्दै नगर कमिटी अध्यक्षको भूमिका निर्वाह गरेका थिए ।
निर्वाचनको मुखमा उनले औपचारिक रूपमा नेपाली कम्युनिष्ट पार्टी परित्याग गरी रास्वपामा खुलेका हुन् । पछिल्लो समय उनी पार्टी गतिविधिमा निस्क्रिय थिए ।
Discussion about this post