रामधुनी । सुनसरीस्थित प्रसिद्ध धार्मिक तीर्थस्थल रामधुनी मन्दिरका महन्त (पुजारी) काशी दास उदासीको आइतबार निधन भएको छ ।
मन्दिर व्यवस्थापन समितिका अनुसार उदासीको बिराटनगरस्थित कोशी अस्पतालमा उपचारका क्रममा मृत्यु भएको हो ।
वि.सं. १९८७ माघमा जन्मिएका उदासीले वि.सं. २०२५ देखि रामधुनी मन्दिरमा महन्तका रूपमा सेवा सुरु गरेका थिए । लामो समयदेखि मन्दिरको धार्मिक गतिविधि, पूजा–आराधना तथा तीर्थ व्यवस्थापनमा उनले सक्रिय भूमिका निर्वाह गर्दै आएका थिए ।
उनको निधनसँगै रामधुनी क्षेत्रको धार्मिक तथा सांस्कृतिक जीवनमा ठूलो क्षति पुगेको स्थानीयवासीले बताएका छन् ।
Discussion about this post