सुनसरी । राष्ट्रिय स्वतन्त्र पार्टी -रास्वपा) बाट निर्वाचित सुनसरी क्षेत्र नं. २ का प्रतिनिधिसभा सदस्य लाल विक्रम थापाले आफ्नो चुनावी खर्च विवरण सार्वजनिक गरेका छन् । निर्वाचन आयोगसमक्ष बुझाइएको विवरण अनुसार थापाले कुल ८ लाख १५ हजार ५३३ रुपैयाँ खर्च गरेका छन् ।
खर्च विवरणमा सबैभन्दा बढी रकम प्रचार–प्रसार सामग्रीमा खर्च गरिएको देखिएको छ । जसअनुसार झण्डा, व्यानर, स्टिकर लगायतका सामग्रीमा मात्रै ३ लाख ९ हजार ५६० रुपैयाँ खर्च भएको उल्लेख छ ।
यस्तै, यातायाततर्फ २ लाख रुपैयाँ, खाना तथा खाजामा १ लाख ४० हजार २८० रुपैयाँ खर्च भएको छ । उम्मेदवारी दर्ता शुल्क १० हजार, नमुना मतपत्र छपाइमा ६१ हजार ६९३ रुपैयाँ, स्टेशनरी तथा मसलन्दमा १५ हजार र वाचापत्र छपाइमा ८० हजार रुपैयाँ खर्च गरिएको विवरणमा उल्लेख गरिएको छ ।
प्रतिनिधिसभा सदस्य निर्वाचन ऐन, २०७४ अनुसार उम्मेदवारहरूले आफ्नो सम्पूर्ण चुनावी खर्च विवरण आयोगमा बुझाउनुपर्ने व्यवस्था छ । सोही व्यवस्थाअनुसार थापाले पनि आफ्नो खर्च विवरण पेश गरेका हुन् ।
रास्वपाबाट निर्वाचित थापाको खर्च विवरणले प्रचार–प्रसार र व्यवस्थापनमा उल्लेख्य खर्च भएको देखाउँछ भने अन्य शीर्षकमा तुलनात्मक रूपमा कम खर्च भएको पाइएको छ ।
Discussion about this post