सुनसरी । अमेरिकामा बसाइका क्रममा एक नेपाली युवतीमाथि बलात्कार गरेको आरोप लागेपछि कलाकार सागर लम्साल ‘बले’ पक्राउ परेका छन् ।
सामाजिक सञ्जालमार्फत संगम बिष्ट नामकी युवतीले सार्वजनिक रूपमा आरोप लगाएपछि उनलाई अनुसन्धानका लागि नियन्त्रणमा लिइएको जनाइएको छ । तर, अहिलेसम्म उनीविरुद्ध औपचारिक जाहेरी भने दर्ता नभएको प्रहरी स्रोतले जनाएको छ ।
शुक्रबार बिहान अमेरिकामा अध्ययनरत ती युवतीले एक वर्षअघि आफूमाथि घटना भएको दाबी गर्दै सामाजिक सञ्जालमा पोस्ट सार्वजनिक गरेकी थिइन् । सोही आरोपका आधारमा अनुसन्धान प्रक्रिया अघि बढाइएको हो ।
बलात्कारको आरोप सार्वजनिक भएपछि ‘बले’लाई छायांकन भइरहेको फिल्म पाँच पाण्डव बाट पनि हटाइएको छ । निर्माण कम्पनी कालारानी फिल्मस् प्रालि ले शुक्रबार विज्ञप्ति जारी गर्दै लम्साललाई परियोजनाबाट निष्कासन गरिएको जानकारी दिएको छ ।
घटनाबारे थप अनुसन्धान भइरहेको जनाइएको छ।
Discussion about this post