लम्पी स्किन रोग देखिएपछि रामधुनी मन्दिरका गाईको उपचार

रामधुनी । सुनसरीको प्रसिद्ध धार्मिक पर्यटकीय स्थल रामधुनी मन्दिरमा रहेका गाईहरुमा लम्पी स्किन रोग देखिएपछि उपचार गरिएको छ ।

शनिबार सामाजिक सञ्जाल (फेसबुक) मार्फत रामधुनी नगरपालिकाको पशु साखाका दुर्गा प्रसाद पराजुलीले एक तस्बिर शेयर गर्दै मन्दिरका गाईहरुको उपचार गरिएको जानकारी दिए ।

उनका अनुसार लामखुट्टे, किर्ना, झिङ्गा र अन्य कीराहरूले यो रोग एउटा पशुबाट अर्कोमा सार्ने गर्छन् । त्यसकारण गोठलाई झिङ्गा, लामखुट्टे, किर्ना तथा अन्य किराबाट मुक्त राख्न सरसफाइमा बिषेश ध्यान दिनुपर्ने हुन्छ । तर, रामधुनी मन्दिर परिषरका गाईहरु बस्ने गोठ अत्यन्तै फोहोर भएकाले थप चुनौती थपिएको पराजुलीको भनाई छ ।