सुनसरी । लिपुलेकलाई व्यापारिक मार्ग बनाउने विषयमा भारत–चीनबीच भएको सहमतिप्रति नेपालले कडा आपत्ति जनाएको छन् ।
शनिबार चीनको तियान्जिनमा चिनियाँ राष्ट्रपति सी जिनपिङसँग भएको उच्चस्तरीय भेटमा प्रधानमन्त्री ओलीले १८१६ को सुगौली सन्धिअनुसार महाकाली नदीपूर्वको भूभाग नेपालकै भएको प्रष्ट पार्दै सो भूभागबारे भारत र चीनबीच सम्झौता अस्वीकार्य हुने बताएका हुन् ।
चिनियाँ राष्ट्रपति सीले लिपुलेक विवाद नेपाल–भारतबीचको विषय भएको र चीन पक्षधर नभई समाधान चाहने स्पष्ट पारेका छन् ।
राष्ट्रपति सी र प्रधानमन्त्री ओलीको भेटपछि परराष्ट्रसचिव अमृतबहादुर राईले भिडियो सन्देश जारी गर्दै लिपुलेकलाई व्यापारिक मार्ग बनाउने चीन–भारतबिचको सहमतिमा प्रधानमन्त्री ओलीको अडानबारे जानकारी दिएका छन् ।
Discussion about this post