सुनसरी । सुनसरी निर्वाचन क्षेत्र नम्बर २ मा नेपाली कम्युनिष्ट पार्टीको तर्फबाट प्रतिनिधिसभा सदस्यकी उम्मेदवार बनेकी रामकुमारी चौधरीले आफ्नो निर्वाचन खर्च निर्वाचन आयोगसमक्ष बुझाएकी छन् ।
निर्वाचन आयोगसमक्ष बुझाइएको विवरणअनुसार चौधरीको कुल चुनाव खर्च ३ लाख २ हजार ३३६ रुपैयाँ रहेको छ ।
खर्च विवरणअनुसार उनले पर्चा, ब्यानर तथा झण्डा छपाईमा सबैभन्दा बढी १ लाख ९ हजार ८३६ रुपैयाँ खर्च गरेकी छन् । त्यसैगरी प्रचारप्रसारका क्रममा प्रयोग गरिएको सवारीसाधन भाडामा १ लाख ५ हजार रुपैयाँ खर्च भएको देखिन्छ ।
यस्तै मतदाता शिक्षा, खाना तथा खाजामा ८२ हजार ५ सय रुपैयाँ खर्च भएको उल्लेख छ भने मनोनयन दर्ता प्रक्रियामा ५ हजार रुपैयाँ खर्च भएको विवरणमा जनाइएको छ ।
यो क्षेत्रमा राष्ट्रिय स्वतन्त्र पार्टी -रास्वपा) का उमेदवार लालबिक्रम थापा विजयी भएका छन् । थापाले ५७ हजार ३४८ मत प्राप्त गर्दै जित निकालेका हुन् । उनले निकटतम प्रतिस्पर्धी नेपाली कांग्रेसका राजीव कोइरालालाई ४१ हजार २७७ मतान्तरले पराजित गरे । कोइरालाले १६ हजार ७१ मत मात्र प्राप्त गरे ।
त्यस्तै, नेकपा एमालेका सुजन लामाले ८ हजार ३०३, श्रम संस्कृति पार्टीका चेतन राईले ७ हजार ८३४ मत प्राप्त गरे भने रामकुमारी १ हजार ८१६ मतमा सीमित भएकी थिइन ।
Discussion about this post