दसैँ बिदा : यी हुन् पढ्न सकिने ६ पुस्तक

सुनसरी । दशैँ विदाको समयमा आफन्त र गाउँघरको भेटघाट र रमाइलोसँगै समय निकालेर पुस्तकसमेत पढन सकिन्छ । व्यक्तिको रुचि अनुसार पुस्तक अध्यन गर्ने गर्दछन् ।

हामीले पाठकलाई पढ्न सकिने विभिन्न ६ पुस्तक सिफारिस गरेका छौँ । साहित्यप्रेमीहरूले महाकवि लक्ष्मीप्रसाद देवकोटाको कालजयी कृति ‘मुनामदन’ रोज्न सक्छन् । प्रेम, करुणा र मानवीयताको गहिरो भाव बोकेको यो काव्यले नेपाली साहित्यलाई अन्तर्राष्ट्रिय स्तरमा चिनाएको छ । त्यस्तै सरुभक्तको ‘पागल बस्ती’ आधुनिक उपन्यासका रूपमा निकै नै लोकप्रिय छ ।

जैविक विज्ञान अध्ययन गर्नेका लागि र खोजप्रेमीहरूका लागि चार्ल्स डार्विनको ‘जातिहरुको उत्पत्ति’ उत्तिकै महत्वपूर्ण छ । यो पुस्तकलाई आधुनिक विज्ञानको आधारशिला मानिन्छ । त्यस्तै, नेपालको राजनीतिमा रुचि हुने र बुझ्न चाहनेका लागि सुधीर शर्माको ‘प्रयोगशाला’ पढ्नैपर्ने कृतिका रूपमा चर्चामा छ ।

नेपाली राजनीतिमा रुचि राख्नेका लागि बीपी कोइरालाको ‘आत्मवृत्तान्त’ प्रेरणादायी पुस्तक हो । लोकतन्त्रप्रतिको अटल विश्वास र संघर्ष  बारे यस कृतिले स्पष्ट सन्देश दिन्छ । त्यस्तै, प्रसिद्ध चिन्तक राहुल सांकृत्यायनको ‘भोल्गादेखि गंगासम्म’ले युवालाई धर्म, विज्ञान, दर्शन र भूगोल बारे महत्वपूर्ण दृष्टिकोणबाट प्रदान गर्दछ ।