सुनसरी । नवगठित नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले कम्युनिष्ट पार्टीहरुबीचको एकता घोषणाले विश्वभर बलियो सन्देश दिएको बताएका छन् ।
बिहीबार एकीकृत अखिल नेपाल शिक्षक सङ्गठनले गरेको ‘राष्ट्रियस्तरको बृहत् भर्चुअल प्रशिक्षण’ कार्यक्रममा बोल्दै प्रचण्डले यस्तो बताएका हुन् । उनले भने, ‘यो वाम एकता लोकतन्त्रवादी शक्तिहरूलाई एक ठाउँमा आउन गरिएको ऐतिहासिक महत्त्वको रणनीतिक पहल र अपिल हो । राजनीतिक दल तथा लोकतन्त्र र गणतन्त्र सिध्याउने शक्तिका विरुद्ध गरिएको प्रतिवाद हो ।’
उनले एकता घोषणासभा लोकतान्त्रिक वाम शक्तिहरू एक ठाउँमा आउने ‘बृहत् राष्ट्रिय एकताको आधार’ बन्ने विश्वाससमेत व्यक्त गरे ।
Discussion about this post