काठमाडौँ । नेपाली कांग्रेस पार्टीको आसन्न महाधिवेशनको कार्यतालिकाबारे सहमति जुटाउन बसेको पार्टी पदाधिकारी बैठक निष्कर्षविहीन बनेको छ ।
आज पार्टी कार्यालय सानेपामा बसेको पदाधिकारी बैठकमा महाधिवेशनको कार्यतालिकाबारे सहमति जुट्न नसकेको हो । पार्टीका प्रवक्ता डा. प्रकाशशरण महतका अनुसार १५ औँ महाधिवेशन आम निर्वाचनअघि गर्दा राम्रो हुन्छ कि पछि गर्दा हुन्छ भन्ने विषयमा मतभेद रहेको देखिएको छ ।
कांग्रेसमा संस्थापन पक्षले निर्वाचनपछि पार्टीको महाधिवेशन गर्न उपयुक्त हुने अडान लिँदै आएको छ भने महामन्त्रीद्वय गगन थापा र विश्वप्रकाश शर्मासहितको इतर पक्षले निर्वाचनअघि नै विशेष महाधिवेशन गर्नुपर्ने माग गर्दै आएका छन् ।
Discussion about this post