रामधुनी । एमाले सुनसरी क्षेत्र नं.–१ मा महाधिवेशन प्रतिनिधि छनोटलाई लिएर चर्किएको विवादमा अनिल राजधामीमाथि कुटपिट भएको छ ।
एमाले सुनसरी जिल्ला कमिटी सदस्यसमेत रहेका राजधामी कोशी प्रदेशका पूर्वमुख्यमन्त्री भीम आचार्यका निजी सचिव हुन् । उनलाई धरानमा एमालेकै कार्यकर्ताको समूहले कुटपिट गरेको हो ।
युवा संघ कोशी प्रदेश इञ्चार्ज दिवस राई, धरान–१० का वडाध्यक्ष विवेक राईसहितको समूहले बिहीबार साँझ राजधामीमाथि आक्रमण गरी चोट पु¥याएको पाइएको छ । प्रत्येक्षदर्शीका अनुसार कुटपिटबाट घाइते भएका राजधामीको अनुहार सुनिएको छ ।
कुटपिटपछि अन्य कार्यकर्ताले उनलाई उद्धार गरी बिजयपुर अस्पताल पु¥याए । उपचारपछि राजधामी डिस्चार्ज भएर घरमै आराम गर्दैछन् ।
महाधिवेशनमा युवा प्रतिनिधिका उम्मेदवार आन्तरिक सहमतिबाट तय गर्ने कि निर्वाचनबाट जानेबारे छलफल भइरहेका बेला राजधामीले निर्वाचन लडने अडान राखेपछि उनीमाथि आक्रमण भएको एमालेका एक नेताले बताए ।
एमालेमा अहिले अध्यक्ष केपी शर्मा ओली र बरिष्ठ नेता इश्वर प्रोख्रेलबीच प्रतिस्पर्धा हुने भएपछि कार्यकर्ताहरु पक्ष–विपक्षमा विभाजित छन् ।
सरल स्वभावका र सबैसँग मिलनसार व्यवहार गर्ने राजधामी सुनसरीका लोकप्रिय युवा नेता हुन् ।
Discussion about this post