रामधुनी । सुनसरी जिल्ला स्पेलिङ प्रतियोगिता शिद्धार्थ मेमोरियल स्कुल बराहक्षेत्रले जितेको छ । शनिबार रामधुनीमा निजी तथा आवासीय विद्यालय अर्गनाइजेसन नेपाल (प्याब्सन) सुनसरीले आयोजना गरेको स्पेलिङ प्रतियोगितामा शिद्धार्थ मेमोरियल स्कुल प्रथम भएको हो ।
प्रतियोगितामा डिपोट सेकेण्डरी स्कुल धरान दोस्रो, शिद्धार्थ शिशु सदन धरान तेस्रो र कञ्चनजङ्गा इङ्लिस बोर्डिङ इटहरी सान्तवना भएका छन् ।
विद्यार्थीलाई अंग्रेजी स्पेलिङमा दक्ष बनाउँने उद्देश्यले प्रतियोगिता आयोजना गरिएको प्याब्सन सुनसरीका बरिष्ठ उपाध्यक्ष रमेश कार्कीले बताए । कक्षा १ देखि ५ सम्मका विद्यार्थी सहभागी प्रतियोगिता सुनसरीका २० ओटा विद्यालयको सहभागिता रहेको थियो ।
