रामधुनी । रामधुनी नगरपालिकामाथि अनुचित माग राखेर घेराबन्दी नगर्न विभिन्न राजनीतिक दल र संघ–संस्थालाई नेकपा एमालेले आग्रह गरेको छ । सोमबार पार्टीको तर्फबाट एमाले रामधुनी नगर कमिटी अध्यक्ष योगेन्द्र खडका र सचिव नवराज खडकाले एक विज्ञप्ति जारी गर्दै यस्तो आग्रह गरेका हुन् ।
सूचनाको हक भन्दै विभिन्न राजनीतिक दल र संघ–संस्थाले नगरपालिका तथा पार्टीबाट निर्वाचित मेयर, उपमेयर लगायत जनप्रतिनिधिमाथि राजनीतिक पूर्वाग्रह राखेकोमा एमालेले आपत्ति जनाएको छ ।
विज्ञप्तिमा भनिएको छ, ‘सूचनाको हक भन्दै विभिन्न राजनीतिक दल तथा संघ संस्थाहरुले राजनीतिक पूर्वाग्रह राखी रामधुनी नगरपालिका तथा हाम्रो पार्टीबाट निर्वाचित जनप्रतिनिधिलाई समयसीमा तोक्ने, उपलब्ध गराइएका प्रमाणित सूचनालाई विश्वास नगर्ने र बारम्बार सूचना उपलब्ध गराउन दवाव दिने घटनाप्रति हाम्रो घोर आपत्ति रहेको छ ।’
त्यस्तै, नगरपालिकाले पटकपटक सूचना उपलब्ध गराउँदासमेत प्रतिपक्षी दलहरुले अनावश्यक प्रचारप्रसार गरेर समाजमा भ्रम फैलाउने कार्य गरेको एमालेको ठहर छ ।
गत चैत्र २७ गते नेकपा (माओवादी केन्द्र) रामधुनी नगर कमिटीले सूचनाको हक अन्तर्गत लिखित जवाफ दिन माग गर्दै नगरपालिकालाई विभिन्न १५ प्रश्न सोधेको थियो । तोकिएको समयमा नगरपालिकाले माओवादीलाई सूचना नदिएको भन्दै नेपाली कांग्रेस, माओवादी, रास्वपा, राप्रपा, नेकपा एस र झुम्का उद्योग वाणिज्य संघले संयुक्त विज्ञप्ति नै निकालेर तत्काल सूचना उपलब्ध गराउन माग गरेका थिए । त्यसपछि नगरले सूचना उपलब्ध गराएको भए पनि माग गरेबम्मोजिम उपलब्ध नगराएको भन्दै राजनीतिक दलहरु र नगरपालिकाबीच बिबाद जारी छ ।
यो पनि…
रामधुनी नगरपालिकाविरुद्ध ६ राजनीतिक दल र उद्योग वाणिज्य संघ एक ठाउँमा
Discussion about this post