रामधुनी । रामधुनीमा जारी प्रथम रामधुनी मेयर कम भेट्रान नकाउट फुटबल प्रतियोगिता– २०८१ को उपाधिका लागि आयोजक रामधुनी भेट्रान र बिराटचौक भेट्रान भिड्ने भएका छन् ।
आइतबार (भोलि) हुने फाइनल खेलमा दुई टिम भिड्ने निश्चित भएको हो । हिजोको खेलमा दमक भेट्रानलाई २–० ले पराजित गर्दै बिराटचौकले फाइनलको यात्रा तय गरेको छ भने बिहिबारको खेलमा राजाबास भेट्रानलाई ४–१ गोलअन्तरले पराजित गर्दै रामधुनीले फाइनल यात्रा तय गरिसकेको छ ।
फाइनल खेल रामधुनी–३ मा रहेको पिप्राहा खेल मैदानमा दिउँसो ३ बजेदेखि सुरु हुने आयोजकले जनाएको छ । खेलमा ८ ओटा टिमको सहभागिता रहेको थियो । प्रतियोगितामा विजेता टिमले नगद एक लाख १ हजार प्राप्त गर्नेछ भने उपविजेताले ५१ हजार रुपैँया प्राप्त गर्नेछ ।
Discussion about this post