रामधुनी । सुनसरीको बराहक्षेत्र नगरपालिकाले नगरमा रहेको एक मात्र क्याम्पस सप्तकोशी बहुमुखी क्याम्पसलाई बस खरिदका लागि ३४ लाख बजेट दिने भएको छ ।
नगरपालिकाको चालु आर्थिक बर्ष २०८०/०८१ को वार्षिक बजेटमा क्याम्पसलाई बस खरिदका लागि ३४ लाख बजेट बिनियोजन गरिएकोे मेयर रमेश कार्कीले हाम्रोशब्दलाई जानकारी दिए ।
अध्यनका लागि क्याम्पस आउने विद्यार्थीलाई सहजता होस् भनेर बस उपलब्ध गराउने निर्णय भएको उनको भनाई छ ।
अहिले नेपाली कांग्रेसका नेता एवं सुनसरी क्षेत्र नम्बर ४ का सांसद ज्ञानेन्द्र बहादुर कार्कीको पहलमा भारतीय राजदूतावासबाट प्राप्त क्याम्पसको एउटा आफ्नै बस रहेको छ । नगरपालिकाले नयाँ बस खरिदका लागि बजेट दिने भएपछि अब क्याम्पससँग २ ओटा बस हुनेछन् ।
Discussion about this post